Iska Horimaad Keenay Dhimasho Oo Dhex-maray Maleeshiyooyin Ka Soo Kala Jeeda Gobolada Awdal iyo Gebilay

Hargaysa (Somalioland.org)- Iska horimaad sababay khasaare dhimasho iyo dhaawacba leh ayaa saaka ka dhacay Boodhka Galigalool oo ku yaala meel u dhaxaysa deegaanada Geblilay iyo Baki.

Iska horimaadkan oo u dhexeeya laba maleeshiyo beeleed ayaa la sheegay in ay ku dhinteen in ka badan laba ruux, ilaa siddeed qof oo kalena ay dhaawacyo ka soo gaadheen .

Deegaanadan oo ah dhul beereed in muddo ah ay ku muransanaayeen laba beelood oo ka soo kala jeeda Gobolada Gabilay iyo Awdal, ayaa hore waxa xukuumadu ay hore u gaysay cutubyo ka mid ah ciidamada si ay u sugaan amaanka. Waxaana la sheegay in haatan xaalada amaan ee deegaankaasi cakirantahay.

Muranka u dhexeeya beelaha halkaasi wada dega ayaa wuxuu sii xoogaystay xiligii hawlaha diwaangelintu ay ka bilawdeen gobolka Awdal iyo Awdal. Isla markaana deegaankaasi ayaanay wax diwaangelin ahi ka dhicin murankan awgii.

Axmed Maxamed Saleebaan (Ilkacase), Hargaysa.

This entry was posted in News. Bookmark the permalink.

Comments are closed.