Guddoomiyaha Xisbiga KULMIYE Iyo Wefti uu Hogaaminayo Oo Beri Socdaal Ugu Baqooli Doona Deegaamada Gobolka Sool.

Hargeysa (Somaliland.Org) Gudoomiyaha Xisbiga KULMIYE Axmed Maxamed Maxamuud “Siilaanyo” iyo wefti uu hogaaminayo ayaa beri socdaal ugu baqooli doona deegaamada gobolka Sool.

 

Axmed Siilaanyo iyo weftiga uu hogaaminayo ayaa ujeedada socdaalkoodu la xidhiidhaa sidii ay u soo kormeeri lahaayeen hawsha diiwaan-gelinta ee lagu wado inay ka bilaabanto 2-da bishan koowaad ee sanadka 2009-ka deegmooyinka gobolka Sool.

 

Weftiga gudoomiyaha xisbiga KULMIYE oo ay ku weheliyaan xildhibaano, xubno golaha dhexe ee xisbiga ah iyo masuuliyiin kale waxay aroorta ka baqooli doonaan magaalada Hargeysa iyagoo u sii jeeda dhinaca gobolka Sool.

 

Gudoomiyaha Xisbiga KULMIYE wuxuu hore kormeer la xidhiidha u kuur gelida hawsha diiwaan gelinta ugu soo maray dhamaan deegaamadii iyo goboladii ay hore uga soo qabsoontay hawsha diiwaan-gelintu, Ayadoo ay ugu dambeysay deegaamada gobolka Sanaag oo ka soo laabtay laba maalmood ka hor.

 

Liban M.Shire

Somaliland.Org Hargeisa.

 

 

 

  

 

This entry was posted in News. Bookmark the permalink.

Comments are closed.