Dahabshiil Ducaysane

Dahabshiil Ducaysane

By Farid Cadani, Hargeysa

Dahabshiil Ducaysane
Danyar baanu nahay oo
Daruurigii cirkaa qabay
Mar hadduu dalbaday soor
Daruuriga la quutiyo
Diqiiqdiyo bariiskii
Dekeddii Berbera dhigay
Dadwaynuhu dhamaantii
Danyar ha u darnaatee
Ducay soo diraayaan.
 
Dahabshiil Ducaysane
Sida diintu nagu tidhi
Duul hadduu dihaal iyo
Darxumiyo abaar qabo
Ruuxii ka diriree
Inuu doorshe doonee
Darxumada u diidee
Derbi jiif kulay tahay
Deeqdiisu gaadhee
Dollar iyo istaraliin
Ku dalbada daruuriga
Dekedaha camira ee
Dadku ay farxaane
Diihaal u rogay doog
Duco inuu qabaa oo
Daarta horee aduunyada
Danbigiis la dhaafoo
Degal ina sugaayiyo
aakhiro hal door noqoy
Dareejee ilaah oo
Dooxihii jannaad iyo
Halkuu doorto Rabbi gayn.
****************************
Dahabshiil Ducaysane
Dadkan ay degaankii
Ku duugeen shinnida ee
Dayrta ay sugaayeen
Inuu doog ka soo baxo
Diir baa ku dhalatoo
Dalag wuu ka ba’ayoo
Dadkii sarac ma haystee
Iyagoo dekaamoo
Dadban oo hagoogtoo
Ducfi iyo harraad qaba
Dunuunucu yarayn oo
Deeqdaa illahow
Ayaan kaa dugsanynaa
Dibnahood ku doodeen
Dahabshiil Illaah diray
Ayaa doonyo waawayn
Ku dalbaday bariiskii
Deji qiimihii oo
Dadwaynuhu dhamaantii
Damaashaad la kace oo
Ducay soo diraayaan
Dahabshiil Allahayow
Derejee aduunkoo
Dahabshiil Ilaahow
Dulli iyo ha badin ceeb
Dahabshiil Ilaahow
Dalacaadda dunidiyo
Derajaynta aakhiro
Deeqdaa u sii badi
dahabshiil ilaahow
Dunidu maalmo weeye
Ha dulaynin weligaa
Durriyadiisa barakee
Duco iyo wanaag sii
Denbigiisa dhaafo
Derejee ilaahow.
Dejiyoo haddana dhigay
Dahabshiil Ilaahow
Dollarkuu xawilayo
Dacallada aduunyada
Min daraf ilaa daraf
U daadihi sideedaas.
Dejiyo hadana dhigay
Dahabshiil Ilaahow
Dariiqii Rasuulkiyo
Dadkii salefiyiintu
Dararkay durduurteen
Ugu deeq ilaahow
Dejiyoo haddana dhigay
Inta duco la yidhi hore
Doc kastaba abaareen
Dahabshiil Rabbow sii
Ilaa daa’in abidkaa
Dahabshiil Rabbow sii
Adaan kuu dikrinayaa
Duco iyo wanaag sii

Dahabshiil

Dahabshiil.

This entry was posted in Opinion, xfp. Bookmark the permalink.

Comments are closed.