Wararkii Ugu Danbeeyey Caawa Ee Laascaanood Iyo Ciidamo Beeleedyo Hor leh Oo La Keenay

Wararkii ugu danbeeyey ee aanu caawa ka helayno magaalada laascaanood ee gobolka Sool ayaa sheegaya in caaw fiidkii ay soo galeen ciidamo beeleedyo dheeri ah kuwaas oo ku biiray kuwii hore u joogay koonfurta magaalada laascaanood , ciidamadaas oo ay wataan saraakiil iyo xildhibaaano Somaliland ah balse ka soo jeedaa gobolka Sool..

Ciidamada beeleedka taageersan Maamulka Somaliland ayaa gacanta ku haya durdurka laascaanood iyo wadada isku xidha degmada kalabaydh iyo laascaanood taas ah meesha biyahaa wiyeerka iyo xareeduba ka soo galaan magaalada, waxaana ay wararka caawa na soo gaadhayaa sheegayaan in maleeshiyo beeleedku ay cashuur qaadis ka bilaabeen wadada howdka uga baxda laascaanood taas oo ay soo maraan gawaadhida baradhada ka keento Ethiopia iyo gawaadhida caanaha keenta, kastamkaas oo hore lacag aad u badani ka soo gali jirtay maamulka gobolka ee dhinaca dowlad goboleedka Puntland..

Col: Ibraahin Caydiid dhabdhable oo isagu ah sarkaalka hogaaminaya ciidamada beeleedka taageersan mamulkaa Somaliland ee hada gacanta ku haya koonfurta laascaanood ayaa waxaa gurigiisa magaalada laascaanood kula shiray maanta odayaal ay isku jifo hoose yihiin kuwaas oo uu hogaaminayey Caaqil, Jaamac Biixi iyagoona waydiiyey waxa uu damacsan yahay , waxaana uu u sheegay in uu soo gaadhay magaaladiisa uuna hada la joogo reerkiisa wax dhiba ahna uusan wadin

Dhinaca kale waxaa isna hada kula shiraya odaayasha magaalada xildhibaan dhakool shirkaas oo ka socd guriga uu ku leeyhay laascaanood , wararka ayaa intaasi ku daraya inay jiraan qoritan ciidaan oo caawa ka socda guriga xildhibaan dhakool, ciidamadas oo la sheegay in lagu kordhinayo kuwa hada ku sugan magaalad..

Guud ahaan magaalada laascanood ayaa kacsan iyadoo marba marka ka danbaysa la dareemaya korodhka ciidamo beeleedka ee kusoo badanaya magaalada , kuwaas oo qaar ka mid ah ay caawa roondo k sameeyeen toga geeda qarsay halkaas oo ay kusoo qabteen dhalinyaro la sheegay inay dumarka ku dhibaan halkaasi xiliga habeenkii ah ..

Majiraan wax wara oo kasoo baxay maamulk gobolka ee dhinaca dowlad goboleedka puntland iyo dowlada dhexe toona oo ku saasan xaalada cakiran ee ka taagan laascaanood.

Xigasho: Afnugaal

This entry was posted in News. Bookmark the permalink.

Comments are closed.